Per perdāsnan turrimai prūsiskans dwejjan sklaitawīdan tīpan karjanguns, izdrukkautans na 110 g/m² pōliesteran. Plattu: 170 cm, aūktan: 100 cm. En erainasmu lunki ast wīrbi, kāi būlai mazīngi tērpautun karjangun sklaitawīdai (ik wīrbi ni ast prawerīngi, mazīngi pjaūtun din). Tūls infōrmacijan ezze dizāinan dirēis zemmais.

Karjangus kainaūja €30 plūs pōstis izlaīsenjai:
Leītawa: €2
Eurōpa: €5
Palikkus swētan: €10

Kwaitīntjai pastatīntun, madli, peisāiti en el. pōstin: glabbis@prusai.org

Prūsisks karjangus

En 1988 - 1989 m. orizōntals kīrsnai-wārmjai-kīrsns stēisan trijjan bārwin karjangus pastāi per Prūsas Brātrijas karjangun. Pa legēndans prūsiskai pulkāi turēi stawīdan karjangun, kaddan tenēi šlūziwusis Kijjawas kunegikku Wladīmiru (s.a. prūsai perpēdusis din ēn stans tāutans).

Prūsisks karjangus etswāiksti dabbas izbilīsnan. Sta ast Baltijas jūris pa saūlis wakkaran: kīrsnan jūrjas undan be kīrsns dāngs, adder sirzdau dins ast pōzemiskas saūlis zarī.

Prūsiskas karjangus stēisan bārwin senkalsīsenis ast simboliskai izbilitā pressenjas Prābutiskan be Rāmavos wizualizācija. Rāmawos ast wārmi sirdan sirzdau rāman [=pakīwingiskan] prābutiskan timran; wārmi RĀM-MĀR marasnā. Izoljācija ezze Māras iljuzijas endēlinsnai ast gaīls araīks sirzdau Rāmawas aumenewīngiskan be prābutiskas timran.

Timmars, lāuks be wārmis ast ukawāraisjai pressenjai per stēisan bārwin izbilīsenjan en sklaitawīdamans bilāmans.

Prūsisks karjangus sen ērbin

En 1529 m. Simōns Grūnaws ebpeisāwuns prūsiskan ērbin en swāise Prūsiskai Krōnikei en palazīnsnai ezze 523 m. audāsenjans - ezze Pratennjas be Wīdawutjas ensadīnsnans: „... adder en stesmu deīktu, kwei bēi skaītan, stalāi etskīwusis dwāi gailāi zirgāi, be tenēi laikāi skaītan sirzdau sin, adder na skaītan pastāi etwaidīnts zmānents ērgi aūgas pussin, adder tenesse galwā ast ikāigi tlākjas sen etwirran āustjan.“

Pa legēndiskan stēisan Wīdawutjas ensadīnsnan dātan, ērbi ast 1500 mettans. Skaītan sirzdau dwāi zirgans ast ebsergitā sakrāla plattibi, Rāmawa. Pērgims, sēnts sirzdau dwīnjans, ukadeznimais mazzi turītun zentlisnan: centrāla dēiwibi, swētas garrjan be t.t. Tlākjas galwā sen etwirran āustjan ast pirzdaunīks aīnat bilīnts sēn mans.